今次好榮幸可以為吳安儀作形象設計 大家眼中認識既吳安宜係一個活潑好動既運動員 而因為深近視既關係佢自小就有四眼妹既稱號
而今次我反而想透過為吳安儀既形象設計 呈現佢比較女性化同埋青春少艾既一面 呢個妝偏向自然 平時出街聚會都唔會太誇張咁囉
我首先講下佢既膚色啦 係偏黑既 所以眼窩位方面我揀左啡金色系眼影配襯佢既膚色
大致上佢既五觀都算幾端正 所以除左眼鏡之後 打個眼影 輕輕畫條眼綫已經可以佢雙眼明亮有神好多囉 再修埋堂眉 就令面部輪廓更加突出喇
另外安儀既皮膚質素都唔錯既 如果可以做多少少補濕會更好 令上妝效果更靚 我覺得佢都有啲明星相嫁
至於髮型方面呢 因為佢本身將頭髮身比較薄 放落黎無咁好睇 所以我為佢中間既頭髮夾左啲俗稱粟米既小波浪紋… 達致小小既蓬鬆效果 令整體髮型更立體、有層次感囉
至於分界方面 安宜平時係左邊分界既 而家我將佢撥左去右邊 咁就可以隱藏左安宜眉毛方面的小小瑕疵 令個妝容更加完美
有時安宜怕留海(啲陰)遮眼 會阻擋視野無咁方便呢 我就幫佢將前面既頭髮打個圈撥上去頭頂 咁樣既造型除左比較清爽之外 亦都令面形睇上去更修長既 安宜平時都可以試下嫁
今日為吳安儀做既設計分享大安概係咁多 希望可以令大家有耳目一新既感覺 認識到動靜皆宜既佢！最後祝願佢係桌球路上再創高峯
Search